المنتج أحمد الزواوي: لو فيفي عبده مرجعتش فلوسي متزعلش وربنا اللي أعلم هعمل فيها إيه.. ومروة صبري تعلق: أنت بتتعدى القانون

الجمعة ، 28 يوليو 2023
الساعة 05:15

(أحداث نت/بسنت محمود )

وجه المنتج أحمد الزواوي رسالة شديدة اللهجة للفنانة فيفي عبده، مطالبًا إياها برد مستحقاته المادية، مؤكدًا أنه استعان بالسحر والدجل لاستعادة أمواله، كما دخل في مشادة كلامية مع الإعلامية مروة صبري

للخبر بقية في الأسفل.. ومن أخبارنا أيضاً:

كنولوجيا بخصم 33%.. عرض قوى على تحفة شاومي ريدمي نوت 11S

أنا خجول جدا ومبحبش النكد ونفسي أنجح في التراجيديا.. أبرز تصريحات بيومي فؤاد

تامر حسين: حسن شاكوش مش ذوقي فنيًا.. ومخاصماك أغنية متكاملة

أوس أوس: معنديش مصدر دخل غير الفن.. وأشرف عبد الباقي صاحب الفضل عليا

فريدة سيف النصر تكشف عن موقف صادم لها مع معجبة.. ما فعلته جعلها تهددها بطلب الشرطة؟!

ياسمين عز تشيد بموهبة تامر حسني الفنية وهذا ما قالته عنه!

بعد مرور سنوات عديدة على عرضه.. عايدة غنيم تكشف حقيقة خلاف غادة عبد الرازق وسمية الخشاب في كواليس “الحاج متولي”

تطورات الحالة الصحية لـ نجل محمد ثروت

بخطوات بسيطة وسهلة.. تعرفي على طريقة كيكة البرتقال

بتاع ستات.. تفاصيل دور بيومي فؤاد في فيلم مندوب مبيعات

وقال أحمد الزواوي، خلال حواره مع الإعلامية مروة صبري، في برنامجها “قعدة ستات” المذاع عبر شاشة قناة “القاهرة اليوم”: أنا عايز حد يديني حل غير القانون، القانون ده خلاص مرحلة وعدت إنتوا كده عايزين تقولوا أن فيفي عبده أقوى من القانون والنقابة، وأنا أتأذيت أكتر منها وكلنا بنمرض وبنقوم بأمر الله، والقانون قال ده تعاقد مش سرقة، وهي ليه مترجعش فلوسي؟.

لترد الإعلامية مروة صبري منفعلة: مفيش حد أقوى من القانون، وأنت كده بتغلط في قانون بلدنا، الاختلاف على الفلوس بيحصل بين أي حد وفي وقتها نتكلم براحة ونشوف وسائط ونروح النقابة للدكتور أشرف زكي الراجل المحترم، مش تروح تعمل لها عمل أنها تقعد في السرير وتمرض.

وقاطع أحمد الزواوي حديث الإعلامية مروة صبري، قائلًا: علني بقولها لو مرجعتش فلوسي متزعلش وربنا اللي أعلم هعمل إيه فيها وكله بأمر ربنا، واللي زعلان عليها يا يدفع عنها يا يقول رجعي الفلوس، وميشغلنيش الجمهور في شيء هو بيأكلني ولا بيشربني الجمهور؟ واللي معترض يطلع ويحل.

واستكمل: لو جالي الـ 10 آلاف دورلا، بأمر الله ترجع زي الفل، وأنا مطلبتش حاجة غير حقي ولا بطلب تعويض، ولا قولت هاتي فلوس علشان أفكك، أنا عايز حقي، والقانون خد مرحلته معايا، وحقي هيجي إمتى لما أموت؟، هعمل أي مقابل أن أرجع حقي.

وانفعلت الإعلامية مروة صبري، وانهت لقائها مع المنتج أحمد الزواوي، قائلة: أنت كده تعديت القانون وإحنا في دولة القانون، ولو أنت حقيقي ليك حق القانون هيرجعهولك، أنا بحترم الدولة اللي أنا فيها والقانون، والنهاردة لما أختلف مع حد أروح أعمل له أعمال وأمرضه وأقعده في السرير؟ إزاي تتهم الجمهور أنه بيساند فيفي عبده بدون وجه حق؟ هو الجمهور يعرف إيه غير إنها فنانة محبوبة؟ والقانون هو اللي هيتعامل معاك.