زيادات جديدة في أسعار شرائح الكهرباء.. شوف امتى هيبدأ التطبيق

نايس كورة يكتُب.. كل الناس في الوقت الحالي في انتظار القرارات الجديدة لزيادة الخدمات الحكومية واحدة من الخدمات دي هيا الكهرباء.. ياتري امتي الحكومة هتبدأ مناقشة أسعار شرائح الكهرباء الجديدة وهل هتكون في زيادة جديدة في الأسعار.

سنة 2025 هتكون سنة فاصلة في تحديد اسعار عدد كبير من الخدمات اللي بتقدمها الحكومة للمواطنين واحدة من الخدمات دي هيا الكهرباء واللي اسعار الشرائح اللي الحكومة شغالة بيها قربت تنتهي، والدولة هتبدا خلال الفترة اللي جاية تعقد اجتماعها لمناقشة الاسعار الجديدة للاستهلاك المنزلي والتجاري خصوصا أن كل ده بتماشي مع خطوة الدولة بالتعاون مع صندوق النقد الدولي برفع الدعم بشكل تدريجي عن الخدمات اللي بتقدمها الحكومة للمواطنين.

طيب امتي الحكومة هتبدأ مناقشة الزيادات الجديدة في اسعار شرائح الاستهلاك المنزلي للكهرباء؟.
الحكومة بدأت تطبيق اسعار جديدة للشرائح الكهرباء للاستهلاك المنزلي والتجاري من شهر اغسطس 2024، والتسريع الجديد تضمن زيادات بتترواح من 17 إلي 40% وفقا لاختلاف شرائح الاستهلاك، وطبعا نسبة الزيادة بتختلف علي حسب نوع كل شريحة واللي عددهم بيوصل لـ7 شرائح.

خطة تسعير اسعار شرائح الكهرباء واللي مطبقة حاليا واللي اقرت في شهر اغسطس 2024 تضمنت زيادة سعر الشريحة الأول واللي هيا من صفر لحد 50 كيلو وات  وبيكون سعر الكيلو فيها بيوصل لـ68 قرش، والشريحة الثانية واللي هيا من 51 إلى  100 كيلو وات بيوصل سعر الكيلوات فيها لـ78 قرش، والشريحة الثالثة واللي هيا من صفر لحد 200 كيلو وات بيوصل سعر الكيلووات فيها لـ95 قرش، والشريحة الرابعة والل هيا من 201 إلى 350 كيلو وات بيوصل سعر الكيلووات فيها لـ 155 قرش، والشريحة الخامسة واللي هيا من 351 إلى 650 كيلو وات بيوصل سعر الكيلو وات فيها لـ195 قرش، والشريحة السادسة واللي هيا من صفر ولحد  1000 كيلو وات بيوصل سعر الكيلووات فيها لـ210 قرش، واخيرا الشريحة السابعة ودي بتكون لما العميل يتعدي استهلاك اكثر من 1000 كيلواوت ودي بيوصل سعر الكيلووات فيها لـ223 قرش.

الأسعار الحالية لشرائح الكهرباء الوزارة حددت مدة العمل بيها بداية من شهر اغسطس، وتنتهي مع نهاية السنة المالية الحالية واللي بتنتهي في يوليو، وبالتالي الوزارة هتعقد اجتماعات مكثفة خلال الفترة اللي جاية لمناقشة الاسعار الجديدة للشرائح وفقا للاستهلاك.