منى زكي تحتفل بجوائز “تحت الوصاية”: لقب “نمبر وان” لا يخصني وحدي

متابعة بتجــرد: بعد سيطرة مسلسل “تحت الوصاية” على أغلب جوائز مهرجان القاهرة للدراما في دورته الثانية، أعربت الفنانة منى زكي، عن سعادتها بهذا الأمر قائلة: “كرم كبير من ربنا ومش أنا بس اللي أستحقه فيه فنانات كتير يستحقوا جائزة أفضل ممثلة”.

وأضافت: “لو ما اشتغلتش ممثلة كنت هكون أحب أشتغل في اليوجا والتأمل بعيد عن مجال الإعلام، ودخلت كلية الإعلام علشان المجموع، وابتديت تمثيل من وأنا عندي 13 سنة، وكنت عايزة بابا يكون مبسوط بيَّ ومرتاح إني أدخل كلية كويسة”.

وأوضحت: “الفضل الأول في الجائزة يرجع لمؤلف مسلسل تحت الوصاية، بالنسبة لي طوق النجاة في حياتي إني أرسم بسمة على وجوه الناس”.

وعن لقب “نمبر وان” الذي أطلق عليها بعد حصولها على الجوائز قالت منى زكي: “نمبر وان فريق العمل، اللقب ما يخصنيش أوي والعمل الفني جماعي سواء مسرحي أو سينمائي أو تلفزيوني حتى الإعلامي، وطالما فريق العمل بيعمل الحاجة بضمير كل شيء بيطلع شكله جميل”.

وتابعت: “المؤلفين خالد وشيرين دياب هما الأساس في الورق وكمان الشكل النهائي والصورة بتاعت كل زمايلي نتاج فنان كبير عظيم المخرج محمد شاكر خضير، إحنا شغلتنا عبارة عن عمل جماعي فيه عناصر كتير جدًا مشتركة فيه”.

وأضافت: “إذا كل العناصر معملتش شغلها بحب وضمير أكيد مكنتش هتكون النتيجة كده يمكن أنا اللي ظاهرة للناس والحقيقة إن اللي وار الكاميرا مجموعة فنانين وفنيين موهوبين، صناعتنا صناعة مهمة؛ مش لإنه فقط ممكن نقول منها قضايا كبيرة ولكن مجرد رسم ابتسامة ومشاركة إحساس حد فاكر إنه لوحده كل ده بالنسبة لي طوق النجاة في الحياة من وجهة نظري”.

واختتمت حديثها، قائلة: “متشكرة على الحب اللي واصلني بقالي كذا يوم وممتنة لربنا ولباقي مجموعة العمل وللناس”.